వివేకా ఆరోపణలో లేకితనం – రాఘవులు

తనపై కాంగ్రెస్ ఎమ్మెల్యే ఆనం వివేకానందరెడ్డి చేసిన ఆరోపణలో లేకితనం కనిపిస్తోందే తప్ప పసలేదని సీపీఎం రాష్ట్ర కార్యదర్శి బీవీ రాఘవులు అన్నారు. రాఘవులు మందు తాగడం కోసమే నెల్లూరు వస్తుంటారని ఆనం చేసిన వ్యాఖ్యలపై ఆయన ఇలా స్పందించారు.
‘నేను ఏ హోటల్‌లో.. ఏ బ్రాండ్ తాగానో ఆయ న్నే అడగాలి. ఏ అలవాట్లు లేని నన్ను అడిగితే కృత్రిమంగా సృష్టించి చెప్పలేను కదా?’ అన్నారు. కాగా.. నెల్లూరు రూరల్ మండలం కొత్తూరు గ్రామంలో వైఎస్ఆర్ నగర్ ఇందిరమ్మ ఇళ్ల పథకంలో జరిగిన అవినీతి, అవకతవకలపైన విచారణకు ఆదేశించాలని కోరుతూ సీఎంకు సోమవారం రాఘవులు లేఖ రాశారు.